‘నిన్నుకోరి’ తర్వాత నేచురల్‌స్టార్‌ నాని, దర్శకుడు శివ నిర్వాణ కాంబోలో తెరకెక్కుతోన్న సూపర్‌హిట్‌ చిత్రం ‘టక్‌ జగదీశ్‌’. రీతూవర్మ కథానాయిక. ప్రేమ, కుటుంబకథా చిత్రంగా తెరకెక్కుతోన్న ఈ సినిమా నుంచి తాజాగా టీజర్ బయటకు వచ్చింది. ఫిబ్రవరి 24న నాని పుట్టినరోజు సందర్భంగా ఒక రోజు ముందుగానే సినిమా టీజర్‌ను విడుదల చేశారు. ఒక డైలాగ్‌ కూడా లేకుండా కేవలం పాటతోనే చిత్ర నేపథ్యం ఏంటో చెప్పేశారు. తన కుటుంబం కోసం జగదీష్‌ ఏం చేశాడో ఆసక్తికరంగా చూపించారు.
కాగా, షైన్‌ స్ర్కీన్స్‌ పతాకంపై నిర్మితమవుతోన్న ఈ చిత్రానికి సాహు గారపాటి, హరీశ్‌ పెద్ది నిర్మాతలుగా వ్యవహరిస్తున్నారు. ఐశ్వర్య రాజేశ్‌ రెండో హీరోయిన్‌ పాత్రలో కనిపించనున్నారు. జగపతిబాబు కీలకపాత్రలో నటిస్తున్నారు.శరవేగంగా చిత్రీకరణ జరుపుకొంటున్న ఈ సినిమా వేసవి కానుకగా ఏప్రిల్‌లో విడుదల కానుంది. ఈ చిత్రానికి సంగీతం: తమన్‌, కళ: సాహి సురేష్‌, కూర్పు: ప్రవీణ్‌ పూడి, ఛాయాగ్రహణం: ప్రసాద్‌ మూరెళ్ల.
