Home క్రీడలు మరో అరుదైన రికార్డుకు అడుగు దూరంలో అశ్విన్

మరో అరుదైన రికార్డుకు అడుగు దూరంలో అశ్విన్

టీమిండియా స్టార్ స్పిన్నర్ రవిచంద్రన్ అశ్విన్ టెస్టుల్లో మరో అరుదైన రికార్డుకి చేరువలో ఉన్నాడు. ఇంగ్లాండ్‌తో చెన్నై వేదికగా ముగిసిన రెండు టెస్టుల్లో అద్భుతంగా రాణించిన అశ్విన్.. 17.82 సగటుతో 17 వికెట్లు పడగొట్టాడు. కాగా, భారత్, ఇంగ్లాండ్ మధ్య అహ్మదాబాద్‌లోని మొతెరా స్టేడియం వేదికగా బుధవారం నుంచి మూడో టెస్టు ప్రారంభంకానుంది. ఈ టెస్టులో కనుక అశ్విన్ 6 వికెట్లు పడగొడితే.. ఓ అరుదైన జాబితాలో చోటు దక్కించుకోనున్నాడు.

అహ్మదాబాద్ లోని మొతెరా స్టేడియం వేదికగా జరిగే మూడో టెస్టులో అశ్విన్ మరో 6 వికెట్లు తీస్తే.. టెస్టుల్లో 400 వికెట్లు పడగొట్టిన నాలుగో భారత బౌలర్‌గా అరుదైన రికార్డు సాదించనున్నాడు. ఇప్పటి వరకూ భారత్ తరఫున టెస్టుల్లో అత్యధిక వికెట్లు పడగొట్టిన బౌలర్ల జాబితాలో  అనిల్ కుంబ్లే 619 వికెట్లతో అగ్రస్థానంలో ఉండగా.. ఆ తర్వాత కపిల్ దేవ్ (434 వికెట్లు) రెండో స్థానంలో, హర్భజన్ సింగ్ (417 వికెట్లు) మూడో స్థానంలో కొనసాగుతున్నారు. కాగా, ఈ టెస్టులో కనుక అశ్విన్ 400 వికెట్ల మైలురాయిని చేరుకోగలిగితే.. ఈ ఘనత సాధించిన మూడో భారత స్పిన్నర్‌గా అతను నిలవనున్నాడు. 

ఇదిలావుంటే..2011లో భారత టెస్టు జట్టులోకి అరంగేట్రం చేసిన అశ్విన్ ఇప్పటి వరకూ 76 టెస్టు మ్యాచ్‌లాడి 394 వికెట్లు పడగొట్టాడు. ఇందులో 10 సార్లు 10 వికెట్ల మార్క్‌ని అందుకున్న అశ్విన్.. ఏకంగా 29 సార్లు 5 వికెట్ల ఘనత సాధించాడు.

అత్యంత ప్రముఖమైనవి

పవన్ కళ్యాణ్ సినిమాకు నో చెప్పిన ‘ఫిదా’ బ్యూటీ సాయిపల్లవి!

రెండేళ్ల రాజకీయ ప్రయాణం తర్వాత తిరిగి కెమెరా ముందుకొచ్చిన పవర్ స్టార్ పవన్ కళ్యాణ్.. జెట్ స్పీడుతో సినిమాలు కంప్లీట్ చేస్తున్నారు. ఇటీవలే తన 'వకీల్ సాబ్' షూటింగ్ ఫినిష్...

ప్రపంచ ధనవంతుల జాబితా ఇదే.. 6.09 లక్షల కోట్ల సంపదతో 8వ స్థానంలో ముఖేశ్ అంబానీ

భారతీయ అపర కుబేరుడు ముకేశ్‌ అంబానీ.. ప్రపంచ సంపన్నుల జాబితాలో దూసుకుపోతున్నారు. హురున్‌ ప్రపంచ కుబేరుల జాబితాలో రిలయన్స్‌ ఇండస్ట్రీస్‌ లిమిటెడ్‌ (ఆర్ఐఎల్) అధినేత రూ. 6.09 లక్షల కోట్ల...

ఏప్రిల్ 14న ‘సలార్’ విడుదల చేయడం వెనకున్న అసలు కారణం ఇదేనా.?

యంగ్ రెబల్ స్టార్ ప్రభాస్‌ సినిమాలు ఒకొక్కటిగా విడుదల తేదీల్ని ఖరారు చేసుకుంటున్నాయి. ఆయన హీరోగా నటిస్తున్న ‘రాధేశ్యామ్‌’, ‘ఆది పురుష్‌’ చిత్రాల విడుదల ఎప్పుడనేది ఇప్పటికే తేలిపోయింది. తాజాగా...

ఎన్టీఆర్ సినిమాలో యంగ్ హీరో.. బ్లాక్ బస్టర్ కోసం త్రివిక్రమ్ మాస్టర్ ప్లాన్!

యంగ్ టైగర్ ఎన్టీఆర్‌తో మాటల మాంత్రికుడు త్రివిక్రమ్ సినిమా ప్రకటించిన తరవాత ఈ ప్రాజెక్ట్ ఎప్పుడు పట్టాలెక్కుతుందా అని అభిమానులు ఆసక్తిగా ఎదురుచూస్తున్నారు. ఈ సినిమా గురించి ఎప్పుడెప్పుడు ఏ...

ఇటీవలి వ్యాఖ్యలు